ມາດຕາ 37 ສະພາວະທີ່ຈຳເປັນ

ສະພາວະທີ່ຈຳເປັນ ແມ່ນ ການກະທຳດ້ວຍຄວາມຈຳເປັນຂອງບຸກຄົນໃດໜຶ່ງ ເພື່ອຫຼີກເວັ້ນໄພອັນຕະລາຍທີ່ຂົມຂູ່ຜົນປະໂຫຍດຂອງລັດ ຫຼື ຂອງສັງຄົມ, ຊີວິດ, ສຸຂະພາບ, ສິດ ແລະ ຜົນປະໂຫຍດອັນຊອບທຳຂອງຕົນເອງ ຫຼື ຂອງບຸກຄົນອື່ນ ແລະ ເມື່ອໄພອັນຕະລາຍດັ່ງກ່າວ ຫາກບໍ່ສາມາດຫຼີກເວັ້ນໄດ້ ດ້ວຍວິທີອື່ນ ແລະ ບໍ່ເກີດຈາກການກະທຳຂອງຕົນເອງ ແຕ່ຜົນເສຍຫາຍທີ່ເກີດຈາກການກະທຳນັ້ນ ຕ້ອງໜ້ອຍກ່ວາ ຜົນເສຍຫາຍທີ່ຈະເກີດຂຶ້ນຈາກໄພອັນຕະລາຍ.